今次純粹分享係香港搵到嘅泰式按摩，等大家想係市區搵Massage都可以參考一下。
去親泰國都一定會帶足夠銀兩去做幾日Massage（係，真係揼極都唔厭！），每次返到香港都會念念不忘，而在好久之前在九龍區搵到一間美容院居然有泰國師傅駐店按摩，加上格仔package都幾抵所以就幫襯買咗成3千蚊，不過後來搬入離島，出入九龍不方便，就無再返去做埋餘下的package了。直至最近因為肩膊頸痛，又再次重新出發尋找泰式按摩，朋友本身介紹了一間係灣仔唐樓入面、泰國人開嘅（無Happy ending！），不過打上去問，竟然咁貴索價HKD$700/90分鐘！唯有自己再Google search下啦，就搵到呢間叫sala raj嘅舖，一樣係泰國人開、要上唐樓，但價錢收費公道得多，HKD$308/60分鐘 HKD$448/90分鐘（我都唔知點解咁零丁係308蚊⋯）Anyway試完我覺得可以再去嘅。
▼ 今次係星期日突然間想做massage，4點打上去book 5點半居然有位。呢間舖是在灣仔地鐵站附近，在莊士敦道，去到大廈樓下要先按門鈴，等店家開門，上到去舖頭門面正常，隔離仲有間修甲舖。（嗯，去到呢度我終於確定今次係可以同大家分享下嘅。如果到見到唔對路我真走夾唔抖！）
▼ 入面不大，目測應該有200呎，雖然細，但勝在夠企理，按摩床是純正泰式按摩專用的，在他們的網站有特別寫明這點，可能是因為外面有些是用中式的按摩床？
▼ 至於環境，入面的裝飾都是跟佛教有開的，非常泰式的角落。裡面散發著很清香舒服，好有度假Feel的香薰。
▼ 床上已經有整齊乾淨的按摩衣服可以換，雖然店面細但按摩床有著雙人那般大。
按摩過程沒有拍照，只能把感覺寫出來。
一開始會先開背，按摩師的手勢很溫柔，可能是見到我弱質纖纖，不能受力吧，不過溫柔得來也可以感覺到酸疼的位置被打通。按摩的過程不是只用力壓，而是感覺到平時很酸的部位慢慢舒緩。然後因為店裡很安靜，只有很小聲的Spa music，舒服到快要睡著了，尤其是到差不多最後的按摩頭皮，超級放鬆，真想來個一小時的頭皮按摩，我應該會睡到超熟呢。
最後換衫走人埋單，本來已經有心理準備這個價錢應該是要付點小費吧，但一時忘了，而收銀亦都好爽快地找續，落到樓才想起來，唯有下次再來吧！今次按摩不計小費的話是HKD 308，是幾划算的。
今次就寫到這裡，大家如果都有興趣可以上他們的網址看看：https://www.salaraj.com/，建議療程前先預約喔。
Sala Raj Thai Massage
灣仔莊士敦道151-155號東方大廈
No comments:
Post a Comment