自從成為中環OL一分子，朝九晚六都坐Office，就會忍不住左摷右摷搵零食，食到肚腩都出哂嚟，才醒覺由畢業到出來工作體型變化了很多…
雖然已經特地自備飯盒，控制食量，但有時就是會覺得好想出去走走～今天就來到公司附近的沙律Bar－Selfit Salad Station，和同事吃看似不飽但又會食到好飽、充滿能量的沙律。不得不提的是，他們這期的優惠$48三款沙律實在好抵食！
Selfit Salad Station位置都幾低調，位於中環中心側少少的機利文新街，要不是一次去隔離食粥都唔知道原來開了一家沙律店！
Selfit Salad Station
中環機利文新街30號合興樓地下
站在沙律櫃前，見到每款沙律都好Yummy，就會好想全部都試，剛好今個月做promotion $48可選3款沙律，我就點了蕃茄大蝦沙律、紫薯沙律及咖哩有機小米沙律。
▼大蝦脂肪少，多吃都沒所謂～剛好去到時原來已經賣完了一盤，端在面前的是新鮮剛弄好的，蕃茄口感很好，大蝦Size亦無偷工減料！
▼紫薯沙律在店內頗受歡迎！色澤吸引外，味道也非常可口，入口很細滑，有如食沖繩紫薯撻！紫薯總是讓人覺得甜甜很幸福的，喜歡它的話一定不能錯過！
吃到一半發現今天吃的沙律顏色好Colourful，忙完一個早上再來到這裡，有種治癒感！
▼在外面應該沒有咖哩有機小米沙律也是不可以錯過的！
吃小米有助腸道消化，除了有輕輕的咖哩香料，亦混雜了葡萄乾增加口感和少少甜味，一點都不會清寡。
▼我同事就點了羽衣甘藍沙律，羽衣甘藍最近好Hit，當然也不少得啦！淨吃菜葉可能會像吃草一樣，還帶點苦澀，倒入蘋果醋就能中和整體味道，酸酸的挺開胃！
▼這個是店內的新品！即叫即焗，雖然只是簡單焗蘑菇，但十分喜愛吃芝士和煙肉的我卻覺得很好吃～
一切下去，汁已經立馬湧出來！就算不吃沙律，點杯Coffee加蘑菇做下午茶，都夠哂滋味。
▼沙律吃完，再來一杯Cappuccino，萌爆的鹿鹿杯不得不令人覺得這裡很可愛～一杯咖啡的份量比外面的連鎖店多，熱飲價錢只是$34，一個人來這裡午餐的話，是個不錯的選擇。
Selfit Salad Station亦有健康Lunch Set供應，價錢我自己就覺得中環食飯價也是差不多，CDE餐連飲品只是$48，值得一試！
$48 三款沙律其實可以吃到好飽～但返到Office又無飯氣攻心感覺，反而覺得好有精神工作，可惜這星期好凍，很想再光顧但太懶不想走，希望下禮拜回暖就可以再去吃！！
每人平均消費：HKD 52
Selfit Salad Station
中環機利文新街30號合興樓地下
No comments:
Post a Comment