革命性成分輕到似雪葩！OLAY 美國空氣感面霜

返工由地鐵站行到上地面，出哂汗就知道夏天終於開始。我對夏天又愛又恨，愛當然是可以去出海曬下太陽，同埋我自己個衣櫃最多色彩繽紛的夏天裙，所以不知幾想快啲可以著，但又好怕行出街化行妝行到出哂汗，成面油的樣子，有時會偷雞只用精華不用面霜去避免成面笠痴痴的感覺。

▼ 最近收到一套OLAY美國空氣感面霜，令我記起其實之前OLAY推出時自己已經試用過，但因為已經清空，又有其他護膚產品用緊，所以無再回購，不過老實講OLAY這套面霜真係幾好用，所以第二次用都會再推介給大家。上次試用過的是紅色瓶的緊緻空氣感面霜，所以這篇想重點分享另一瓶的美白空氣感面霜～

兩款OLAY美國空氣感面霜除了功能上不同 - 緊緻、亮白，同埋香氣有少少不同外，質感大致上無大分別。兩款都是採用了革命性的空氣感面霜科技 Active Rush Technology製造，其 3D 空氣海綿結構打造出雪葩般的輕透質感，而傳統面霜厚身偏膩，OLAY 美國空氣感面霜絕對不會有這樣的感覺，因此炎熱潮濕天氣用亦不會覺得很笠或焗身。

▼ 呢瓶OLAY美國空氣感面霜非常巴閉，在美國推出3個月已經登上銷量第一，更得到多個國際美容獎項認可，我用過自己都覺得唔錯，的確抵佢咁好賣！

▼ 有毛孔粗大問題，用緊緻空氣感面霜就最適合。啞光因子能夠控油、防油光，更可作為妝前乳為肌膚打底，令妝容全日都咁貼服。

▼ OLAY 美國空氣霜採用了革命性的空氣感面霜科技Active Rush Technology，面霜中的空氣海綿微粒可承載高達1000 倍的水分，用後瞬間為皮膚補濕，帶來持久水潤感，同時又不會有油膩感。

▼ 以往化底妝前都會用Primer去遮蓋粗大毛孔，但我覺得Primer點無OLAY咁好用，補濕程度OLAY更勝一籌。塗上手背後只需輕輕搓揉，已經好快滲透，摸落仲好有絲滑感覺。

如果是追求美白的話，可以選擇亮白空氣感面霜。不同之處是利用珍珠光學科技把美白成分導入皮膚底層，擊退黑色素，提升肌膚淨白、透光度，瞬間塑造無瑕亮白肌。而Sepitonic礦物透亮因子能有效穿透皮膚、深入細胞，從肌底擊退暗沉，從內到外綻放潤白光芒。

▼ 同紅色瓶的緊緻空氣感面霜一樣，塗抹後好快就吸收，皮膚啞緻得來又富有水潤感，夏天用不怕會油光滿面。

順帶講講，面霜延展性很好，所以一瓶都好耐用下，上次我用緊緻型都用了差不多兩個多月呢！

▼ 兩款香味是花香，各有不同，但相信女士們都會喜歡的。

▼ 我自己就鐘意用亮白，因為本身膚色較沈，用了亮白型後上妝後皮膚會無咁暗，二來又可以達到毛孔細緻效果。塗上皮膚後先會有雪葩幼滑質感，不消一會就已經吸收，乾燥感即時解決，非常輕盈，再上底妝不會有焗促感，以往用油性面霜大約半日就已經滿面油光，但OLAY空氣感面霜無這個情況出現，全日都Keep得幾好，好適合坐冷氣房的OL們用。