放題橫行了幾年，每次跟朋友去吃飯說起吃什麼，放題這個option都一定走唔甩⋯放題選擇多，啱哂一大班朋友點不同食物分甘同味，不過無奈揀著一間態度差的餐廳，都必定俾人敷衍。
寫10件刺身就同你上3件，對服務抱不大期望不在話下，小女不大食，即使俾我食到高質放題，一嘢揼幾百蚊出去食一餐，我都覺得好窮，好揼心口～
所以我寧願單點，食夠就走，好過要比幾百蚊出去又食得唔多！
最近見到人氣急升的七福神和食亭，正好啱我心意，一於就同同事放工去食！
搭港鐵的話，在佐敦站A出口行2分鐘，朋友聚會方便就腳。
食物類型雖然有點似放題，但質素當然係好啲啦，整體上七福神的刺身拼盤好新鮮，壽司即叫即手製！
來到星期中段，星期四晚，七點半入座，全場爆滿，不過walk in等5分鐘度就好快有得入座。
▼餐廳位於2樓，上面可以企嘅空間不大，所以就要在地下先登記等位，有位哥哥會幫你安排入座～
唔講咁多，比大家睇下我今次食咗啲咩啦！
▼食日本嘢，最基本不能少的壽司，穩穩陣陣，點了火炙三文魚、吞拿魚、鰻魚，上枱時壽司飯團暖笠笠，感覺到應該是即叫即手製！
▼芒果卷份量十足，賣相很吸引，係強光下鮮芒果同果醬兩者顯得金黃壯觀，估唔到宜家芒果唔當造但都一口咬落去滿溢香甜，好好味！
▼刺身拼盤 2個人食，份量剛剛好！三文魚厚切，絕不馬虎。我最鐘意佢個帶子，Size適中，但勝在夠鮮甜！
▼同事說想吃和牛，就點了四切，會附上開胃清新的柚子醋。
紋路色澤鮮明的確會令人心心眼～
不過和牛來講，我覺得佢無日本食的所謂「入口即溶」。
它的口感好似三文魚腩，咬極都咬唔開，有點韌，加上價錢不平，呢個價錢可以改叫其他熱食，食得更加飽肚！
食夠生冷食物，就再吃串燒中和一下～
▼今晚試了豬頸肉、雞腎、雞軟骨、雞中翼，全部上菜時都係熱辣辣新鮮燒起，拌檸檬汁食一點都不覺得油膩～
▼芝士燒蠔係我覺得全晚最正嘅！
一隻蠔的size有手般大，非常肥美飽滿，芝士鋪滿面，烤得剛好金黃，芝士溶化後罩住蠔的肉汁，吃下時juicy到不得了！
最後埋單，每人300元，雖然都唔係十分平，我個人認為今晚眾多食物中，和牛其實幾貴，質素又不能與日本本地吃的相比，就唔太Recommend啦！
但食到新鮮刺身拼盤和一些壽司小吃，質素比放題更有誠意，也算是不錯的！
七福神和食亭
地址：佐敦彌敦道311-313號1樓
No comments:
Post a Comment