是日復活節假第一天，打算宅在家裡好了，什麼都不做，突然有人按門鈴，是順豐哥哥！
咿！但我無Online Shopping喎！望望包裹，上面寫住「Calbee⋯櫻⋯」打開發現原來是【櫻花蝦鹽味蝦片】，正好可以一邊食蝦片一邊睇久違了的公公出宮～
正值櫻花季節，有好多pormotion都同櫻花有關，就連剛剛於香港新開了概念店的Calbee亦不執輸！
▼印尼蝦片就食得多，印象中我已經好似無食過Calbee蝦片，只是嚐過它的蔬菜片，不過今次口味是出名香氣濃郁的櫻花蝦，相信都會成為另一款讓人吃不停的零食！
▼非常讚的包裝！看不出它是香港製造吧！
和風十足的粉紅包裝實在會令人有錯覺這是日本製造的，不過無論是香港或日本製，最重要好食！
櫻花蝦本身珍貴，所以市面上都好少見到有零食會用上櫻花蝦，可見Calbee今次用料真的誠意十足呀！
▼賣相非常之特別的零食！櫻花蝦片的花形特別設計，片片嫩粉紅色，好似一朵朵嬌美的櫻花！這是春日期間限定的啊，所以要試就要趁早啦！
味道方面，我覺得蝦同鹽兩者平衡得不錯！蝦的鮮味十足，脆卜卜，一點都不油膩，一口食一片，可以好優雅地吃呢～哈哈哈～
好開心可以率先試食！聽日去行山，決定要同男朋友分甘同味！
♡大家可以在四月上旬於超市、零食店買到這款可愛的蝦片咯～♡
▼多花一點心思的話，櫻花蝦片其實可以有好多食法，以下是Calbee提供給大家的簡單食譜：
❀櫻花蝦片撻❀
做法：用一包「卡樂B櫻花蝦鹽味蝦片」，在蝦片上加藍莓或紅莓，即刻成爲Party Food焦點！
❀自家製櫻花沙律❀
做法：在自家製的蔬菜沙律内拌入適量的「卡樂B櫻花蝦鹽味蝦片」，提升沙律的層次口感，而淡淡的櫻花蝦鹽味更令沙律的味道昇華！
做法：利用「卡樂B櫻花蝦鹽味蝦片」代替Toppings，配搭乳酪或者雪糕，便可以輕鬆自製下午茶美點！
No comments:
Post a Comment